منتديات بغداد الحب

ملتقى طلبة وشباب العراق
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 رسالة حجيه عراقيه الى جورج بوش!!!!!!!!!!!!

اذهب الى الأسفل 
كاتب الموضوعرسالة
انوشه
عضو جديد
عضو جديد


عدد الرسائل : 8
تاريخ التسجيل : 27/07/2010

مُساهمةموضوع: رسالة حجيه عراقيه الى جورج بوش!!!!!!!!!!!!   2010-08-18, 11:39

تحية وبعد
وليدي بوش صبحك الله بالخير وهابي نيو يير عليك وعلى كل أمة العم سام
أبني .. أني حجية عراقية جبيرة بالعمر ما أحب السياسة وما تهمني أصلا وأني كنت ناوية أظل ساكتة وأبلع بس مثل ما يكولون وصلت حدهه .. بعد ما بيها مجال وأني بصراحة بديت أشك بكل تصريحاتك ... أكو شي مو طبيعي لأن سيادتك كلما تطلع بالتلفزيون تضحك وتبتسم وتحجي عن مستقبل العراق بتفاؤل وأني أضحك وأبتسم وأصدك كل حجيك لأن أنت المفروض رئيس أكبر دولة بالعالم قابل ليش راح تجذب .. شنو راح تخاف من أحد لو تتملق لأحد ! بس يوم ورا يوم بديت أحس أنو حجيك ما أله علاقة بالطركاعة اللي أحنا عايشين بيها .. تطلع وتكول أنو العراق ده يمشي نحو الحرية والأستقرار وأحنا وداعتك راس الشارع مالتنا ما بينا بعد نوصل خاتلين بالبيت مرعوبين ... تكول العراق راح يتمتع بالديمقراطية والعدالة وأحنا أخو خيته يعني (برذر أوف هز سستر – ترى أني هم شوية اطكطك أنكليزي )..عيوني بوش أني أشوف هاي لو الدش مال ستالايت البيت الأبيض مجيم ومحد مسويله صيانة وما ده يشتغل زين فه ما ده ينقلك الأخبار عدلة .. لو سفيركم بالعراق صاير جذاب .. شلون لا مو عاشر قومنا أربعين يوم !! أي فلازم بعد تتأكد من الأخبار كبل ما تطلع وتصرح ويطلع حجيك مو صحيح ... بعدين ترى عيب كدام العالم مو أنت رئيس دولة عظمى وليدي !! .. نريد تشد همتك ويانا وتوفر النا الكهرباء حتى أحنه هم نتونس وتوفرنا الأمن حتى نأمن على حياتنا وحياة ولدنا ونعبر وياهم للنيو يير بدل ما كاعد تدك بينا وترجعنا الالاف الييرز لي ورا ..
وأخيرا أطلب منك توصي حكومتنا وجنودك علينا وهله هله بينا وبأهلنا تره مثل ما كلت وصلت حدها .. وبالعافية عليك فسيفس الكريسمس ....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صلاحs
عضو جديد
عضو جديد


عدد الرسائل : 1
تاريخ التسجيل : 19/10/2010

مُساهمةموضوع: رد: رسالة حجيه عراقيه الى جورج بوش!!!!!!!!!!!!   2010-10-19, 17:15

ههههههههههههههه خوش حجيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رسالة حجيه عراقيه الى جورج بوش!!!!!!!!!!!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بغداد الحب :: قسم الترفيه والمسابقات :: منتدى الحدائق للتحشيش والترفيه-
انتقل الى: